Aritu sya ngan KBP’s Crews – Bibiran, Mellaty, Togoron, Gundul, Pipie, Via Tambalut, Uncle Lukun, Qumbil Sopock – telah menikmati hepi hour bersama setelah lama tidak berkumpul bersama. Time dorang bawa jalan, sy ndak tau pa tujuan dorang bawa pigi Tg. Aru. Mo bilang tempat tu cantik, cantik lagi kobian ble nampak ikan, lu bilang mo men pasir, pigi ja di Pampang, Babagon atau Taman Rekreasi Bambangan, Madsiang dapat men pasir. Tapi kana bawa, sya pun menghadirkan diri.
Before jalan, kitaorang kumpul di M3, bukan Majalah 3 tau tapi Madsiang Mini Market. Sampai sana ja, berparking uda keta Uncle Lukun dan si Via Tambalut. Dorang suru pig iambi si Qumbil, spook yang prasan cantik ne. Sy bawa la si Gundul tapi berambut ngan Pipie, mana la tau lu dorang kasi gossip. Bila balik di M3, dengan muka selamba si Pipie ngan Gundul kuar dari MyVi pigi nek si Via. Cibai tul!! Asyik-asyik sya ja yang kana ne, takpe yang penting dapat makan kek besday daddy Qumbil yang tidak brapa sedap. Sampai di foodcourt Tg. Aru, Togoron dan Mellaty, pasas sejati melatah memulakan aksi mereka. Kesian juga orang yang tidak tau apa-apa kana paki, trus blurr ja muka dorang. Dari awal kami lepak sampai si Via bayar, keja di meja kami adalah mimpaki ja sampai si Uncle Lukun berjaya menerbangkan jagungnya pigi di blakang. Nasib teda orang makan di sana.
Then, kami pigi di beach pula. Time ne Bibiran yang fotogenik mula beraksi pula sampai perempuan yang tidak kanal pun mau join bergambar. Sya rasa time ne kami jadi focus orang ramai cuz kami berdiri di pantai yang luas dengan direct lighting. Tidak lama lepas tu, Mellaty pula yang beraksi dengan game bubut-bubut dengan si Togoron dan Bibiran. Dalam game dorang ne, Togoron hampir mati gara-gara nopusakan. Bibiran dengan selamba bagi da minum avocado juice yang pekat. Lu sya tu, kasi minum air laut trus aktif balik si Togoron tu berlari berkejaran dengan Mellaty. Tidak puas lagi, dorang pi iring itu live band, menari-nari ne. Mimang tiada istilah malu la..hahahaha…
Puas di sana, Via Tambalut bawa kami balik Donggongon. Bru la kami tau yang tujuan kami outing ne adalah mo ambil si Mama Labitz. So, kami pun ciao’ la dari beach tu. Bayar parking RM 1.50, time bayar tejatuh plak coins sya. Sampai di Dongz, kami tunggu dorang Via di Restoran 818, faveret dorang la ne. Jam 1.30am, kami pun makan la Mama Labit blanjo gea. Time makan, kami disajikan dengan movie yang buruk-buruk ne. Puas makan, dekat jam 3 bru kami ciao’ pulang.
Best juga hepi hour ngan member-member ne, tapi yang di best ialah sorang bro ne, si Yoyou tidak join. Takut datin da mara kunun. Da layak jadi pelakon Di Bawah Ketiak Istri musim ke-3 nanti….hahaha,..no hard feelin kio ambalut..
No comments:
Post a Comment