XPDC TRUS MADI....My Journal

HARI KETIGA (16/02/2010)

Ne last day kami di Trus Madi. Sya bangun jam 6.30 am, trus lagi pi mandi tu. Tengkiu sama si Libo coz bagi chance sya mandi duluan. Lepas ja mandi tu, dorang PP, Davvey, Lalosz, dan Alfon datang pi tent sya, macam besa la mo wat bising, krew-krew grup 1 ne inda sah lu tidak wat kecoh. After si Gadi siap mandi bru la kami sama-sama pi breakfast.

Pas brekpas kami berkemas untuk turun pi starting point...but, before tu, sesi bergambar selama 30 minit la. Lamakan? yang kasi lama ne dorang Bibiran punya geng. Balik-balik ambi gambar sambil melompat sampai da jatuh banyak kali ne. Sakit numbur 2, yang penting enjoy..hahaha,..

Perjalanan turun sejauh 900m memakan masa 15 minit. Sampai di starting point, rehat 15 minit pastu si Mr. Harry bilang kana jalan kaki sampai sungai. Wow!!jauh tu sungai, kana jalan kaki 3km oh!! Tapi kami jalan jugalah. Sampai di tengah, datang DMAX dan Hilux Jabatan Perhutanan. Si angkol Lubiren dan yang satu lagi...OMG, it's my daddy'd twin brother, angkol Kolas. Sya selamba batman pi tegur tapi si angkol inda kanal ne, lama inda jumpa bei. Bila sya sebut nama sya, bru la da kanal ne. Best juga dapat cerita-cerita ngan si angkol ne. Paling las sya jumpa da masa sya di skola menengah lagi, sya jarang ikut family balik Tambunan. Tapi itu inda penting, yang penting nikmat sakit kaki dan kangkaram time turun bukit. Syahdu ja rasa sakit da ne. Nasib DMAX angkol Lubiren inda full. Dapat duduk di 2nd cabin ngan si PP, Karash, dan Ladom. Nyaman ja perjalanan kami ne..,

Sampai di base camp, trus pi check-out barang di kaunter. Before kami balik pekan Tambunan, kami berkumpul dan menyanyikan beberapa lagu before penyampaian hadiah kepada 3 pemenang games yang dibuat iaitu sya, Karash dan Bibiran. Hadiahnya ialah 2 bungkus coffee mix 3 in 1, 1 bungkus maggie laksa dan sekampit beras, pastu kana ikat guna tali sya lagi...hahaha...keja si Mea la ne...Pulang keluar dari base camp pi pekan sya nek angkol sya. Dari gate until pekan, Hilux kami riuh dengan telatah si Togoron dan Siput Bibi yang melatah. Memang kecoh ne. Sampai di pekan, kami singgah kijap mo isi perut. Pastu bru kami balik Penampang. Dalam perjalanan pulang, sempat juga singgah di Gunung Alab dan Gunung Emas.

Sya tiba di uma jam 5 pm uda, paling las kana antar. Apapun, XPDC Trus Madi akan sentiasa dalam ingatan. Kalu panjang umur dan teda halangan, sya ada peluang nek Trus Madi lagi bulan 6 dan 9 ne. Harap-harap dapat pi lagi. Thanks for reading...